• Mae dadansoddiad newydd gan y Society of Motor Manufacturers and Traders (91³ÉÈË) yn dangos bod Cymru yn cefnogi 7,000 o swyddi modurol yn uniongyrchol ac yn cyfrannu £477 miliwn i economi’r DU.
• Cyhoeddwyd ffigurau wrth i Fforwm Rhanbarthol 91³ÉÈË Cymru gynnull diwydiant a llywodraeth i drafod sut y gall partneriaeth gryfhau gwydnwch, hybu cystadleurwydd a datgloi buddsoddiad.
• Bydd siaradwyr o Aston Martin, Tata Steel, Vishay a Llywodraeth Cymru yn ymuno ag uwch arweinwyr modurol ac amddiffyn o bob cwr o’r rhanbarth.

Mae dadansoddiad newydd o 91³ÉÈË a gyhoeddwyd heddiw Dydd Iau 9 Gorffennaf 2026, yn datgelu maint cyfraniad Cymru i’r sector modurol yn y DU, gyda’r sector yn cefnogi 7,000 o swyddi’n uniongyrchol – sy’n cynrychioli un o bob 20 o weithwyr modurol yn y DU – gan gynnal bywoliaethau medrus a chynhyrchu £477 miliwn i’r economi genedlaethol. Daw’r canfyddiadau wrth i uwch arweinwyr o’r diwydiant, Llywodraeth Cymru a’r sector amddiffyn ymgynnull yn ICC Cymru yng Nghasnewydd ar gyfer Fforwm Rhanbarthol 91³ÉÈË, lle bydd trafodaethau’n canolbwyntio ar gryfderau modurol y wlad yng nghanol heriau trydaneiddio, rheoleiddio, costau ynni cynyddol ac ansicrwydd masnach gyda’r UE, ynghyd â chyfleoedd i gyflenwyr modurol yn dilyn cyhoeddi Cynllun Buddsoddi Amddiffyn y DU.

Mae cryfder modurol Cymru yn gorwedd yn amrywiaeth y cwmnïau sy’n gweithredu ledled y wlad – o gynhyrchu cerbydau a gweithgynhyrchu pwerwaith i led-ddargludyddion, cydrannau uwch a chyflenwyr arbenigol. Gyda’i gilydd, maent yn rhan bwysig o ecosystem modurol y DU a’r technolegau a fydd yn llunio ei dyfodol.

Mae hyn yn cynnwys ffatri Aston Martin yn Sain Tathan, cartref y DBX a mwy na 750 o swyddi,² ffatri injans Toyota UK yng Nglannau Dyfrdwy, sy’n cyflogi tua 600 o bobl ac sydd wedi denu buddsoddiad o fwy na £2.82 biliwn,³ a Vishay Casnewydd, cyfleuster gweithgynhyrchu lled-ddargludyddion mwyaf y DU, a gefnogir gan fuddsoddiad cyhoeddus o £250 miliwn ac a fydd yn cynnal mwy na 500 o swyddi medrus.⁴ Ochr yn ochr â busnesau cadwyn gyflenwi fel BJ Seals, Lucas Oil Products a Senior Flexonics, mae’r cwmnïau hyn yn tanlinellu potensial Cymru i greu sector modurol mwy gwydn, cystadleuol a thrydaneiddiedig yn y DU.

Mae’r agenda’n cynnwys dwy sesiwn gydag arweinwyr y diwydiant gan gynnwys David Moore, Pennaeth Gweithgynhyrchu – Sain Tathan, Aston Martin Lagonda; Scott Milne, Is-lywydd a Rheolwr Cyffredinol, Gweithrediadau’r DU, General Dynamics; Ritchie Hart, Pennaeth Technoleg Prosesau – Capex Strategol, Tata Steel UK; Andrew Cranke, Cyfarwyddwr Gwerthiannau Gogledd Ewrop, Vishay ac Adam Price Aelod o’r Senedd, Gweinidog y Cabinet, Menter, Cysylltedd ac Ynni, Llywodraeth Cymru.

Gan gynrychioli mwy na 800 o gwmnïau modurol ar draws meysydd cynhyrchu cerbydau, cadwyn gyflenwi, technoleg ac ôl-farchnad, mae 91³ÉÈË yn cyfuno eiriolaeth ddylanwadol â chefnogaeth fusnes ymarferol i helpu cwmnïau i ddod yn fwy proffidiol, cystadleuol a chynaliadwy. Mae ei waith yn cynnwys ymgysylltu â llywodraethau a rheoleiddwyr, teithiau masnach a buddsoddi, cyngor ar fynediad i’r farchnad ryngwladol, cyflwyniadau prynwr-cyflenwr a chyfatebu wedi’i dargedu trwy fentrau fel Cwrdd â’r Prynwr. Mae canllawiau technegol, data a gwybodaeth am y farchnad, cyfeirio at gyllid, hyfforddiant, ymgynghori a chymorth ardystio trwy Fforwm Rheoli Ansawdd a Diwydiant 91³ÉÈË hefyd yn rhannau craidd o gynnig 91³ÉÈË.

Yn newydd ar gyfer 2026 mae Rhaglen Gwydnwch Cadwyn Gyflenwi 91³ÉÈË, sy’n helpu cyflenwyr y DU i lywio tirwedd gynyddol gymhleth trwy ddod â mewnwelediad i’r diwydiant, cefnogaeth arbenigol a chyfleoedd ymgysylltu wedi’u targedu ynghyd. Mae’r rhaglen yn ategu gwaith ehangach Opportunity Auto 91³ÉÈË i hyrwyddo’r DU fel cyrchfan flaenllaw ar gyfer buddsoddi, arloesi a chydweithio rhyngwladol yn y sector modurol. Dysgwch ragor .

Nodiadau i olygyddion

1. Data SYG ar gyfer SIC29 – a
2.